Gar ýagýar…
Gar ýagýar…
Gar ýagýar,
Gar ýagýar,
Ýagýar akja gar!
Sowuk, doñakçylyk,
Ýerem agarýar.
Göwnüme aralaşýar, sowujak aýaz,
— Hernä, gowy bolsun!
Göwnüm alaýaz.
Duýmadyk bolýaryn,
Ýagýar sepeläp,
Kä syrgyn bolýar,
Kä-te peselip,
Gaýyp düşýär,
ýüzüme…
Ereýär.
Ýylgyrýaryn çala,
Umyt döreýär.
Belki, gün çykar,
Howa-da maýlar,
Tüssesini keser, parawoz jaýlar.
Ýene-de ýaşyl ösüp janlanar dünýä,
Ýel öser,
Gül çykar,
Agaç pyntyklar.
Kebelekler uçar,
Garlawaç geler…
Ynha şeýle,
Bu zatlar aýdyñ görünýär…
Sowukjak şemal..
Gar ýagýar.
Remezan MÄMETGURBANOW.
09.12.2022 ý. Goşgular
