Ýürekdeş gürrüň / edebi ýaňsylama
Ýürekdeş gürrüň / edebi ýaňsylama
Kişiň bagtyn alyp bagtly bolmak kyn,
Enelerem bagty dogurmaýarlar.
Biri bir setirmi alsa begenýän,
Gowy şahyrlary ogurlaýarlar.
Atamyrat ATABAÝEW.
* * *
Men meýil edemok kişiň bagtyna,
Has takygy, beýle kişi göripdir.
Kimde-kim meýil etse kişiň bagtyna,
Diýmek, ol ruhy taýdan garypdyr.
Bagt dogurmasa, goý, dogurmasyn,
Onuň üçin enelerden kinäm ýok.
Men şahyr. Bagtymy özüm döredýän,
Maňa hormat goýmadygy sylamok.
Setirlermi okap, ogurlamasa,
Ykrar edemok men beýle şahyry.
Sygdyryp bilemok, walla, kelläme,
Gowy setir alynmaly ahyry!
Goşgularmy okap, ogurlaberiň!
Onuň üçin hiç kim bilen dawam ýok.
Meň özümem käte şeýdýän ahyry,
Şo sebäpden ýüregim kän awanok.
Allaýar ÇÜRIÝEW.
«Edebiýat we sungat», 19.11.1982 ý. Goşgular
