Bölünmek
Bölünmek
Şatlygy däl, derdem deň bölüşerdik,
Aglasaň-da saňa aglaşardym men.
Görmek üçin gözleňdäki şatlygy,
Dag aşardym men.
Ýaşalan günlerem deň ikä böldük,
Seniň bilen geçen günler başgady.
Bir-birege deň paýlaşan, meňzeşje
Arzuwmyzam, wah, amala aşmady.
Ömrümizi deň paýlaşyp bilmedik,
Ara düşen ýyllaň ötmesi bilen.
Ahyr bagtymyzy bölüşdik ikä,
Bagtly ýaşaýarys özgesi bilen…
Goçmyrat ORAZBERDIÝEW. Goşgular
