Gyş
Gyş
Ýene gije
Ýene ezizim gije
Ajy tüsse bilen gömülen gije
Içgin agy bilen ezilen gije
Aý bilen derdinşip ýatmaly gije
Keýpiňe örtenşip ýatmaly gije
Ýene gije
Ýene alaman gije
Agynmaly, towlanmaly, düýrmeli
Öz bagryňa herdem gysyp hyýalyň
Gädikden gyjyklap, üwläp üýrmeli
Aýa bakyp
Ak süýdüne suwsyrgap
Agan bilen agyp oýa batmaly
Boş gujagyň hyýalyny ysyrgap
Agynmaly, towlanmaly,ýatmaly
Aý bilen bähäsdeş gyňyr aýnaňyş
Kerwen gurap barýan gijäň argyşy
Ýene bir porsuja möjegiň aýa
Içini it ýyrtýan ýaman gargyşy
Agzyňa aňkaran kölege tekin
Kim-de bolsa bir garadan öýkünip
Sypamaly haýsy zülpüň taryny
Müýzemez gije dek ýeriňe oýkanyp
Köpjegi köpürdip gysyp bogmaly
Ýorgana sygmany ýene dogmaly
Ýene gije
Ýene uzak bir gije
Agynmaly, towlanmaly ýene_de
Aýa bakyp,ak süýdüne suwsyrgap
Boş gujagy sermenmeli ýene-de
Her agan ýyldyzdan
Eşidip gargyş
Nähili ýatmaly, eý müýzemez gyş
Nahili ýatmaly, eý müýzemez gyş. Goşgular
