Garry öýüñ agysy
Garry öýüñ agysy
Garry öýün ýykyp garry bürgüdiň,
Gorkmadyňmy näletinden Gorkudyň.
Haýbatyndan Oguzyň?
Şumudy pendi atanyň,
Sarpasy içen owuzyň?!.
Garry öýüň gazypmydyň binýadyn,
Ýülmäpmidiň pürsüni?
Ýa bolmasa, ele alyp kerpijini,
Örüpmidiň hersini.
Daňdan turup, eýläpmidiň palçygyny.
Suwapmydyň suwagyny?..
Men saňa bir zat aýdaýyn,
Eý, ýegen oglan:
-Sen, haýp doglan.
Bilmediňmi, ýyksa ata binýadyn,
Her kes alar almytyn.
Ömri ömre meňzemez,
Ölmi ölme meňzemez.
Ownar zürýadyň,
Şodur perýadyň…
Garry öýün ýykyp garry bürgüdiň,
Gorkmadyňmy näletinden Gorkudyň,
Haýbatyndan Oguzyň?
Şumudy pendi atanyň,
Sarpasy içen owuzyň?!.
04.06.2016. Goşgular
