Şahyr ýaly

Şahyr ýaly ŞAHYR ÝALY

(Eşitmediksiränlerimden)

Oturşyň şahyr ýaly,
Turuşyň şahyr ýaly,
Okaýşyň şahyr ýaly,
Duruşyň şahyr ýaly,
Durmuşyň şahyr ýaly,
Ýöne sen şahyr ýaly,
Şahyr däl.

OGLANLYGYŇ ÇAKLAMASY

Ýada salyp gyz gylygňy,
Bahar geldi gyzgalaňly.
Rehm eýleýip, dep etmezmiň,
Ýüregimiň gozgalaňny.

Kalbymyň bu jokramasy —
Ýarymyň gujaklamasy.
Haçan, kaýda çak bolarka,
Oglanlygyň çaklamasy.

Ol söýgümiň ilkisidir,
Berlen bagtyň ikisidir:
Ýazyp ýörsem yşgym bilen,
Bir galamda iki setir.

Süleýman HAÝDAROW. Goşgular