Iki boldum

Iki boldum IKI BOLDUM

Men “Sen” diýip ýola düşdüm,
Ýürek boldy pagyş-para.
Iki boldum, ozal üçdüm,
Birim galdy bagyşlara.

Çykdym jaýyň üçegine,
Takat tapman düşegime.
Ynha, indi üşegene
Otly çöp bol oňuşmaga.

Diýip dursaň sen: “…ätlemen”,
Bilmedim, nädip, nätmenem.
Owadan söýgä ä:t menem,
Yhlasym çoh gowuşmaga.

Gaýtalaýan öňki heňi,
Dolduryplar öýkenimi.
Sen nä menden öýkelimi,
Öňküden ha:s daşdyr ara.

Men “Sen” diýip ýola düşdüm,
Ýürek boldy pagyş-para.
Iki boldum, ozal üçdüm,
Birim galdy bagyşlara.

Süleýman HAÝDAROW. Goşgular