«Bir ýerlerden sowuk şemal geldi-de…»
"Bir ýerlerden sowuk şemal geldi-de…"
Bir ýerlerden sowuk şemal geldi-de,
Girdi señ kalbyña sowuklyk bolup.
Bulut tutdy seniñ röwşen gözlerñi,
Ol indi ýagty däl,
örän bulanyk.
Indi görejiñde görünemok men
Ala gözleriñde öldüm-de, öçdüm.
Bakyşyñda bar niýetiñ görnensoñ,
Hiç zat soramadym,
Men saña düşdüm.
Dünýäde wysalam,
hijranam köne.
Durmuş bir oýunbaz
hem bizden ökde.
Unutmak añsatdyr öýdýänsiñ, ýöne,
Bilde yz galmaýar
Galýar ýürekde.
Ýürekde galan yz galýar dert bolup,
Derdi bolsa, aýlar-ýyllar bejerer.
Namartlygy ýeñmeli biz mert bolup,
Gynanaryn,
başga biri begener.
Goý, begensin,
Baky däldir şatlygam.
Gynanaýyn,
Baky däldir gam-gussa.
Biziñ ýaşap,
söýüp ýören ömrümiz
Ol bize geçmişden galdyrlan nusga.
Täzelik açamzok söýüp, söýülip,
Täzelik açamzok undup, undulyp.
…Bir ýerlerden sowuk şemal geldi-de,
Girdi señ kalbyña sowuklyk bolup.
Atamyrat ATABAÝEW. Goşgular
