Ýaşlyk aýdymy

Ýaşlyk aýdymy ÝAŞLYK AÝDYMY

Elhepus!
Şapagyñ gyzaraýşyny,
Serhoş etjek, al meýinden datdygyñ.
Dostlar, meni şol şapaga gark ediñ,
Şol şapaga siñip gitdi ýaşlygym.

Gerşi gabaran ýol irkilip ýatyr,
Irkilip bilenok arzuw-hyýallar.
Dostlar, meni şu ýol bilen ugradyñ,
Ýaşlygymy alyp gitdi şu ýollar.

Ak ýagyş jibrinýär,
her damjasyndan,
Gara gözli juwanlygym seretdi.
Dostlar, goýuñ meni ýagyş astynda,
Şu ýagyşlar ýaşlygymy eretdi.

Ýaşlygymyñ müşki gelýär burk urup,
Gülleriñ kalbyny gozganda ýeller.
Dostlar, meni güller bile galdyryñ,
Ýaşlygyma çalym edýär şu güller.

Hudaýberdi SÖHBETOW. Goşgular