Yssy…
Yssy…
Yssy, gör-le, ýanyp ýatyr gözýetim,
Ýanyp barýar bagry elek asman-da.
Haýran, gözýetimi ganaty bilen
ýelpeýän guşlaryň hiç ýanmaýanna.
Gör-ä, daş-töwerek otly tamdyr deý,
Agzyn açyp ýatyr suw deý salgymam.
Alyslarda derin süpürýän daglar
bulutlary etdi başa ýaglygy.
Çabrap duran ýalyn bolarly asman,
Gyzgyn halkasyny alýar döşüne.
Haýran, ýanmaýşyna göm-gök agaçlaň,
Haýran men guşlaryň uçup ýörşüne…
Goçmyrat Orazberdiýew Goşgular
