Täjik ýumorlary
Täjik ýumorlary
— Görýän welin, bu satyjymyzam düzelip başlapdyr-ow! Gör, ony… Mundan ozal-ha goh etmeýän sapary ýokdy. Bu gün welin burny deşilen ýaly — ümsümje! Indi düzelip ýördügimikä şü?
— Wah, düýn artygrak gygyransoñ, sesi gyrlaýypdyr-da…
* * *
— Meñ kitaplammyñ beýleki ýazyjylaryñka garanda nämesi bilen parhlanýandygyny bilýäñmi?
— Bilýän. Kitap dükanlarynda çañ basyp ýatýany bilen parhlanýar.
* * *
— Siz haçan ylham bilen joşup ýazýarsyñyz?
— Pulum gutaranda.
* * *
— Dostum, tanyş-bilşiñ ýokmaý? Men bir oñatja köwüş almakçy…
— Tanşam taparys, saña gowy köwşem alarys. Ýör, öñürti şol aljak köwşüñi bir ýuwaly!
* * *
Goñşularynyñ bolgusyz gybatyndan bizar bolan Ependi ýerinden turupdyr-da, gidermen bolupdyr.
— Oturyñ-da, nämä turuberdiñiz? — diýip, oturanlar Ependä ýüzlenipdir.
— Size meñ gybatymam etmäge maý bereýin-dä! — diýip, Ependi olara jogap beripdir.
* * *
Bir erkek kişi dükana giripdir-de, satyja ýüzlenip, şeýle diýýär:
— Siz witrinadaky şol köýnegi aýryp bilmezmisiñiz?
— Oñ gürrüñi bolmaz! — diýip, satyjy oña jogap beripdir. — Alyjylara gulak gabartmak biziñ borjumyz.
— Şeýtseñizläñ. Öñünden minnetdarlyk bildirýän. Şo köýnegi dagy-duwara şo ýerden asmaweriñ. Ýogsa, aýalym bilen şoñ gapdalyndan geçip gitmek meñ üçin iñ ýokary jeza!
* * *
Bir adam işden öýüne gelip, aýalynyñ ýanynda zeýrenipdir:
— Bu gün gaty agyr gün bold-ow!
— Näme, ýyllyk planyñyzy dolup bilmediñizmi?
— Ýok-la! Uzakly gün orunbasarym bilen küşt oýnap, ony bir saparam utup bilmedim.
* * *
Bir gün goñşusy Ependiden şeýle diýip sorapdyr:
— Nasretdin aga, eşitdiñizmi, Darazyñ oglu dissertasiýa gorapmyş. Indi alymmyş. Geñ zat, ol ylma näme üýtgeşiklik girizdikä?
— Ylma näme üýtgeşiklik girizeninden habarym ýok. Ýöne şoñ aýlygyna-ha üýtgeşiklik girizeni hak! — diýip, Ependi jogap beripdir..
* * *
Şäheriñ parahor kazysy bir maýmyny idekläp barýan ekeni. Ependi ony saklap, şeýle diýipdir:
— Hojaýyn, bü iti nirä alyp barýañ?
— Şunça ýaşap it bilen maýmynyñ tapawudyny bileñokmy? Eý, Ependi, bü maýmyn ahyry! — diýip, kazy ör-gökden gelipdir.
— Tagsyr, men muny maýmyndan sorap durun! — diýip, Ependi gülmän-yşman aýdypdyr.
«Edebiýat we sungat» gazeti, 1988 ý. Degişmeler
