Anna Ahmatowadan terjime
Anna Ahmatowadan terjime
Мы не умеем прощаться,-
Всё бродим плечо к плечу.
Уже начинает смеркаться,
Ты задумчив, а я молчу.
В церковь войдем, увидим
Отпеванье, крестины, брак,
Не взглянув друг на друга, выйдём…
Отчего всё у нас не так?
Или сядем на снег примятый
На кладбище, легко вздохнём,
И ты палкой чертишь палаты,
Где мы будем всегда вдвоём.
* * *
• Saparnepes Atabaýewiň terjimesi:
Oňarmaýas biz hoşlaşyp,
Gezýäs egni-egne berip.
Barýar garaňky gatlyşyp,
Durus pikire el serip.
Jynaza, çokunma, nika,
Hudaýyň öýüniň içi.
Bir-birege bakýasmykak,
Biziňki şowlanok neçüýn?
Garlykda – basylan bijaý,
Dem alarys öwülýäde.
Sen çybykda çekýäň bir jaý -
Bile etjek o dünýäde.
***
Meger ýokdur bizden gowy hoşlaşýan,
Egni-egne diräp gezýäs deň ädip.
Daşda eýýäm garaňky-da gatlyşýar,
Sen pikirde, a men dymmaýyn nädip?!
Nika gyýma; çokundyrma; jynaza;
Şaýat bolýas buthanada wagtymyz.
Bir-birege bakamzok, biz – çyn azan,
Neçüýn çüwüp gidäýenok bagtymyz?
Öwülýäde dem alarys oturyp,
Garlygyň üstünde – aýak sekilen.
Çyzýarsyň sen oňa taýak batyryp,
Onda baky boljak öýmüz çekilen.
* * *
• Çary Ataýewiň terjimesi:
Hoşlaşmagam başaramzok ikimiz —
Ýoluň argyn keşgin deň çekip barýas.
Gör, eýýäm garalyp başlady iňrik,
Sen pikire batýaň, men bolsa dymýan.
Görjegmiz, giribem ybadathana,
Jynaza, çokunma, nikadyr ýene,
Çykarys soň birek-birege bakman…
Näme üçin bizde bar zat tersine?
Soňra basgylanan garyň üstünde
Ümsüm oturarys öwlüýäde biz.
Keşbin çekýäň jennetdäki öýmüziň —
Bagtly bolmalymy o dünýäde biz?
• Aýna Durdyýewanyň terjimesi:
Biz başaramyzok hoşlaşmagy hem,
Şo-ol gezişip ýörüs egn-egne berip.
Ýaşyp barýar ömümiziň iňrigem,
Sen-ä ham hyýalda, men bolsa dymyp.
Görýänlermiz girip ybadathana,
Jynaza, çokunmak, gyýylýan nika.
Bir-birege bakman, çykýas daşyna…
Näme ala-böle bizde beýlekä?
Torç edilen gar üstünde otyrys,
Gabrystanda, ýeňil geläýşin demiň.
Sen çöp bilen ylla çatma deý çekýäň,
Müdimilik bile boljak ýermiziň.
* * *
• Mukam Muhamowyň terjimesi:
Biz hoşlaşyp bilmeýäris,
Deň çekýäris başda baryn.
Garalyp ugrady iňrik,
Sen oý edýäň,
Men — dymýaryn.
Jynazadyr çokundyrma,
nika —
— öýünde Hudaýyň.
Çykýas ters bakyşyp,
Neçüýn
Biziňki bolanok daýym?!
Öwlüýä.
Ýeňil dem alyp,
Meň bilen gara çökersiň.
Soňam, ýerde baky bile
boljak öýmüzi çekersiň.
Anna AHMATOWA. Goşgular
