Heý, siziñ kakañyz öldümi?

Heý, siziñ kakañyz öldümi? HEÝ, SIZIÑ KAKAÑYZ ÖLDÜMI?

Heý, siziñ kakañyz öldümi?
Meñki bir gezek öldi.
Kör boldum.
Ýuwdular,
Aldylar,
Äkitdiler.
Kakamdan muña garaşmazdym,
Kör boldum.
Heý, siz hammama gitdiñizmi?
Men gitdim.
Çyranyñ biri söndi,
Gözümiñ biri söndi,
Kör boldum.
Ýokarda bir asman bardy tegelek,
Şeýle bir gökdi welin, kör boldum.
Daşlar hakda aýtsam — hammam daşlary.
Aýna ýalydylar, ýalpyldap duran,
Daşlarda ýüzümiñ ýarysyn gördüm.
Ýaramaz bir zada meñzeşdi olar.
Ýüzümden muña garaşmazdym,
Kör boldum.
Heý, siz sabynlanýarkañyz agladyñyzmy?

Jemal SÜREÝA. Goşgular