Durmuş sapaklary
Durmuş sapaklary
■ El adama özüni ele almak üçin berlipdir.
■ Juluñy ters geýdiren bolsalar, öñ ony çöwre geýensiñ.
■ Ogry tutulsa gowy,
Hassa ~ gutulsa.
■ Çybyn hem beýiklik küýseýär. Şonuñ üçin ol biz ýaly boýy gysgañ däl-de, uzynyñ burnuna gonýar.
■ Geýmiñe görä garşylap,
Akylyña görä ugradýanlar.
■ «Şerap içip, serhoş bolup segresem» diýen setiri ýazmak üçin şerabyñ edýän täsirini bilýän adam bolmaly.
■ Iýen agyz ~ ulalar.
■ Aeroportyñ kassasynyñ agzyndaky ýazgy: «Berim gökden ýol ýasar!»
■ Keýpiñe sogan dogralanda, gözüm ýaşarýar.
■ Daýaw adam diýilýänem ogurlykda tutulanda, syçanyñ hinine sygýar.
■ Köprüde kürtdürmese, ol eşek däldir.
■ Görip adam añsat kesellemez, sebäbi bahyllyk hem oña kiçi kesel däl.
■ Dert ýamany sanjy, gep ýamany pyşyrdy.
■ Akylly akyl satmaz.
■ Gyzyl görse, Hydyr azar, Gyzyl köýnekli görse ~ Ylýas.
■ Mañlaýyñ şoruny ýere siñdirseñ, topragyñ şorlamaz.
■ Öñem biri toýda «gyzmaýan» bir bagşa ýüzlenip: «Bagşy aga, arasynda bir nas atyp, hezil beräýmäñ bardy-la» diýipdir.
■ Näziñi köp çekdiriberseñ ~ üzüläýýär.
■ Para ~ ite berlen iññe ýalydyr.
■ Juluñy ters geýdiren bolsalar, özüñ düzüw dälsiñ.
■ Balykçy balygy çeññek bilen däl, sabyr-takat bilen tutýar.
■ Mesligiñ soñy peslik.
■ Halal gazanylan pul az hem bolsa, hümmetlidir.
■ Jürüñi dikdirmejek bolsañ, hakyña jür bol!
■ Jübi kesene ýyl kesýärler.
■ Başyñy galdyranyñdan başlygyñy galdyr.
■ Eli boş baran ~ eli boş gaýdar.
■ Gaçan gutular, gaçyran tutular.
■ Geljegi görjek bolsañ, geçmişe seret.
■ Agzy baryñ ~ arzy bar.
■ Neşesi ýeten ~ ýetdirmez.
■ Kelläñ bolmasa, teññäñ bolsun, teññäñ bolmasa ~ kelläñ.
■ Buza gaçan buz bolar.
■ Ot gorsaýan diñe kesewi däl.
■ Düýe hernäçe uly bolsa-da çybyn ony ejizledýär.
■ Der çyksa ~ dert çykar.
■ Ýatanyñ üstüne telefon gelmesin.
■ Enesi ýalamadyk göle semremez.
■ Guşkelle bolmasa, garga peýnirini tilkä aldyrarmydy?!
■ Barlynyñ banky ýanynda.
■ Goşgyñy ogurlany kaza eltip bolanok.
■ Näzi bolmasa, näzenin bolmaz.
■ Baýy mal basar, garyby ~ myhman.
■ Myhman myhmany gysganar, öý eýesi ~ ikisinem.
■ Susagyñ sapy saña ýetýänçä, gazan boş galar.
■ Toýa barsañ, arakdan doýup bar.
■ Gyzyl köýnekli bolsañ, öküzden ägä bol!
Atamyrat ATABAÝEW,
Türkmenistanyñ Halk ýazyjysy. Sözler
