Pul toplaýan pişik

PUL TOPLAÝAN PIŞIK

Men çirkin "mýawlamok".
Men syçanam awlamok.
Men gaýmagam ýalamok.

Janly pişikler olar:
"Myrlaýan", "mýawlaýan",
Porsy syçan awlaýan.

Olaryň ählisinden
Owadan, üýtgeşik men,
Pul toplaýan pişik men!

Indi ençe ýyl bäri
Şaýylyk ýygnap ýörün,
Hökman millioner borun!

Onsoň janly pişikleň
Gözi gider baýlygma,
Jansyzdygma — laýlygma!

Hemra ŞIROW.

Çagalar edebiýaty