Maşgala tragediýasy

Maşgala tragediýasy MAŞGALA TRAGEDIÝASY

Eşidenden gören ýaman,
Çykýan zaryn heň bolanda.
Göýä tene çümen tiken,
Örän howply çuň bolanda.

Ýer tutmasa ataň sözi,
Mydam aşak bolar ýüzi,
Hormatlamaz ogul-gyzy
Hal-ahwaly teň bolanda.

Üzmek aňsat köňül tarny,
Ýaman söz göýäki ýargy.
Heý-de, agzybirlik bormy
Maşgalada jeň bolanda?!

Arada ene kösener,
Onuňam haly peseler,
Duşmanlar gülüp, eseler,
Ýyrtyk ýaka-ýeň bolanda.

Muňa niçik garar gelin?
Göterermi iki elin?!
Güýçlä tarap salar ýolun,
Garşydaşlar deň bolanda.

Yrsgal-bereket bor neneň!
(Syn eýläp, pikir et senem)
Şu zatlar bolmasyn ýenem,
Täze-täze Gün doganda.

Şyhymyrat, biraz dur-la!
Garjaşan pikirleň durla!
Ýamanlyk bor, togsan urna,
Ýagşylyklar on bolanda.

Şyhymyrat ABDYLLAÝEW. Goşgular