Teýeneli henekler
Teýeneli henekler
— Ýaşuly goýun näçeden?
— 500-den.
— Hany ynsap?
— Ynsaby bireýýäm nebis iýdi.
* *
— Siziñ gyzyl çaýyl çaýylan çemçäñizde «restoran» diýen ýazgy bar ekeni.
— Aý, bir wagtlar şol ýerde işläpdim-läý.
* *
— Sen Hydyr ata sataşan bolsañ näme dilärdiñ?
— Saña akyl dilärdim.
* * *
— Ýoldaş Ezraýyl, näme alsañ al-da, meni goýber!
— Ýokardan perman boldy, ony düzetmek gaty çetin.
— Şu dünýäde düzedip bolmaýan zat barmy näme!
* * *
— Pederiñ kim?
— Melgun.
— Ismiñ?
— Şeýtan.
— Käri-kesbiñ?
— Adamlaryñ arasyna al salmak.
* * *
— Eken erik agaçlaryñyzyñ biri ajy mañyz bolupdyr-ow,
— Nätjek dagy, adamlaryñ arasynda-da şol tetelliler bar ahyryn.
* *
Merhumy alyp barýarkalar birden kellesini galdyrypdyr-da, tabydyñ yzyna düşüp ogluny görüp, oña ýüzlenipdir:
— Men-ä senden gaçyp barýan, a sen nirä gelýäñ? — diýipdir.
* * *
— Gül ekýärin welin, gyzgan gögerýär.
— Tohumyndandyr.
* * *
«Başyn çatyp iki sany setiriñ»
Diýýär: — Maña-da bir tabak getiriñ!
Öñde-soñda aýdan-diýen zatlary,
Agramyny göterenok oturyñ.
* * *
Uly wezipede çişdi güp ýaly,
Dogan-gardaş, dost göründi çöp ýaly,
Ynha, bir gün işde pyzyldy welin,
Myssaraýdy ýeli giden top ýaly.
* * *
Ak geýeniñ bary bolsady lukman,
Ajalyñ tepbedi okalar hökman.
Ýöne käbir lukman bolýan sumaklar,
Jübüñe seredýär, ýüzüñe bakman.
Nurgeldi ÇAKANOW. Degişmeler
