Ýaponiýadan soň ýene bir ýygyndy Dünýä Kubogyna gatnaşmaga hukuk gazandy
Ýaponiýadan soň ýene bir ýygyndy Dünýä Kubogyna gatnaşmaga hukuk gazandy
Ilkinji gezek 48 ýygyndynyň gatnaşmagynda geçiriljek FIFA Dünýä Kubogy 2026-a saýlama tapgyryndan ýene bir ýygyndy wekilçilik etmäge hukuk gazandy. Okeaniýa zolagyndan Täze Zelandiýanyň ýygyndysy Ýaponiýadan soň Dünýä Kubogyna gatnaşjak 2-nji ýygyndy boldy. Okeaniýa zolagynyň saýlama tapgyrynyň finalynda Täze Zelandiýanyň ýygyndysy Täze Kaledoniýany Boksallyň (61), Barbarosesiň (66) hem-de Jastyň (80) gollary bilen 3-0 hasabynda ýeňdi. Täze Zelandiýa ýarym finalda Fijini 7-0, Täze Kaledoniýa bolsa Taitini 3-0 hasaplar bilen utupdy.
Şunlukda, Täze Zelandiýanyň ýygyndysy 1982-nji we 2010-njy ýyllardan soň taryhynda 3-nji Dünýä Kubogyna gatnaşar. Täze Zelandiýadan öň Ýaponiýanyň ýygyndysy geljek ýylyň tomsunda ABŞ-dam Meksika hem-de Kanadada geçiriljek 23-nji FIFA Dünýä Kubogynda çykyş etmäge ygtyýar alypdy.
Çeşme: zamanturkmenistan.com.tm