Türkmenistanyň Halk Maslahatynyň Başlygynyň adyndan ýollanan çakylyk haty YHG-niň ýolbaşçylygyna gowşuryldy
Türkmenistanyň Halk Maslahatynyň Başlygynyň adyndan ýollanan çakylyk haty YHG-niň ýolbaşçylygyna gowşuryldy
7-nji martda Saud Arabystany Patyşalygynyň Jidda şäherinde Türkmenistanyň Saud Arabystany Patyşalygyndaky Ilçisi O.Çaryýew bilen Yslam Hyzmatdaşlyk Guramasynyň (YHG) Baş sekretary Hissein Brahim Tahanyň arasynda duşuşyk geçirildi.
Duşuşygyň barşynda Türkmenistanyň Ilçisi türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň YHG-niň Baş sekretarynyň adyna ýollan Halkara parahatçylyk we ynanyşmak ýyly mynasybetli we Türkmenistanyň hemişelik Bitaraplygynyň 30 ýyllygyna bagyşlanyp geçiriljek Halkara forumyna resmi çakylyk hatyny gowşurdy.
Şeýle hem taraplar Türkmenistanyň we YHG-niň arasyndaky özara bähbitli hyzmatdaşlygy giňeltmegiň we berkitmegiň ýollaryny ara alyp maslahatlaşdylar.
Çeşme: zamanturkmenistan.com.tm
