“Milanyň” hüjümçisi öňki toparyny gynandyrdy
“Milanyň” hüjümçisi öňki toparyny gynandyrdy
Italiýanyň Kubogy ýaryşynda çärýek finalynda “Atalanta” bilen “Bolonýa” duşuşdy. Çekeleşikli geçen oýunda “Bolonýa” Tomas Kastronyň 80-nji minutdaky ýeke-täk goly esasynda 1-0 hasabynda ýeňiş gazandy. “Milan” bolsa öz meýdançasynda “Romadan” 3-1 hasabynda üstün çykdy. “Milanyň” gollaryny Romadan kärendesine alan hüjümçisi Temmi Abraham (16, 42) bilen täze transfer Žoao Feliks (71) geçirdi. “Romanyň” ýeke-täk goluny-da Artýom Dowbyk (54) öz adyna ýazdyrdy. “Bolonýanyň” garşydaşy “Ýuwentus” ýa-da “Empoli”, “Milanyň” ýarym finaldaky bäsdeşi-de “Inter” ýa-da “Lasio” bolar. Çärýek finalyň galan 2 duşuşygy 25-26-njy fewralda geçiriler.
Çeşme: zamanturkmenistan.com.tm