“La Ligada” öňdebaryjylar ýalňyşlyga ýol bermedi, “Atletigiň” 7-1-lik ýeňşi
“La Ligada” öňdebaryjylar ýalňyşlyga ýol bermedi, “Atletigiň” 7-1-lik ýeňşi
Ispaniýanyň çempionatynda öňdebaryjylaryň ählisi-de 25-nji tapgyry ýeňiş bilen tamamlady. “Barselona” myhmançylykda “Las Palmasy” Olmo hem-de Torresiň gollary bilen 2-0 ýeňdi. 1-nji oýunda “Las Palmas” myhmançylykda ýeňiş gazanyp, “Barselona” şol ýeňlişiň aryny aldy. “Real Madrid” hem öz meýdançasynda “Žironany” 2-0 hasabynda ýeňlişe sezewar etdi. Gollary 39 ýaşyndaky Modriç bilen braziliýaly ýyldyz Winisius Junior geçirdi.
Madridiň “Atletikosy” myhmançylykda “Walensiýany” argentinaly ýyldyzlarynyň – Hulian Alwares (2) hem-de Anhel Korreanyň gollary esasynda 3-0 hasabynda utdy. Bu 3 toparyň söbügini basyp gelýän Bilbaonyň “Atletik” topary-da myhmançylykda “Walýadolidi” 7-1 hasabynda ýeňdi. 1 oýunçysy gyzyl kart alan “Walýadolidiň” derwezesinden gollaryň 2-sini Niko Williams, beýlekileri-de Hauregisar, Sennadi, Sanset, Guruseta hem-de Iniaki Williams geçirdi. “Betis” myhmançylykda “Hetafeni” Iskonyň gollary bilen 2-1 hasabynda ýeňdi.
Selta – Osasuna: 1-0 (Ýago Aspas 69 p),
Alawes – Espanýol: 0-1 (Kalero 86),
Raýo Wallekano – Wilýarreal: 0-1 (Aýose Peres 66),
Walensiýa – Atletiko: 0-3 (Alwares 12, 30, Korrea 86),
Las Palmas – Barselona: 0-2 (Olmo 62, Torres 90+5),
Atletik – Walýadolid: 7-1 (Hauregisar 10, N. Williams 35, 66, Sennadi 43, Sanset 45+2, Guruseta 69, I. Williams 87 – Silla 47),
Real Madrid – Žirona: 2-0 (Modriç 41, Winisius 83),
Hetafe – Betis: 1-2 (Maýoral 82 – Isko 18, 77 p),
Real Sosiedad – Leganes : 3-0 (Zaharýan 12, Kubo 48, Olasagasti 80),
Sewilýa – Malýorka (şu gije)
Çeşme: zamanturkmenistan.com.tm