“Arkadag” topary ýeňiş bilen dolandy
“Arkadag” topary ýeňiş bilen dolandy
AFK Çagyryş Ligasynda çykyş edýän ýurdumyzyň çempiony “Arkadag” topary çärýek finalyň 1-nji duşuşygyny geçirdi. Myhmançylykda Hindistanyň “Ist Bengal” topary bilen duşuşan “Arkadag” topary 1-0 hasabynda ýeňiş bilen ýurda dolandy. Kalkutta şäherindäki “Solt Leýk” stadionynda oýnalan oýunda ildeşlerimize ýeňiş getiren ýeke-täk goly 12-nji minutda Ýazgylyç Gurbanow öz adyna ýazdyrdy. Şunlukda, 1-nji duşuşykda 1-0 hasabynda ýeňiş gazanan “Arkadag” topary ýarym finalyň bosagasyndan ilkinji ädimi ätdi. Jogap duşuşygy 12-nji martda ýurdumyzda geçiriler.
Bu duşuşykda ýeňiş gazanan topar ýarym finalda “Al-Arabi” (Kuweýt) – “Al-Sib” (Oman) duşuşygynyň ýeňijisi bilen duşuşar. Kuweýtde oýnalan 1-nji duşuşykda ýer eýeleri Al-Salamahyň 90+1-nji minutdaky goly bilen ýeňiş gazandy.
Çeşme: zamanturkmenistan.com.tm