Türkmenistanyň zenanlar milli ýygyndysynyň Aziýa kubogynyň saýlama tapgyryndaky garşydaşlary belli boldy
Türkmenistanyň zenanlar milli ýygyndysynyň Aziýa kubogynyň saýlama tapgyryndaky garşydaşlary belli boldy
Türkmenistanyň futbol boýunça zenanlaryň milli ýygyndysynyň 2026-njy ýylda geçiriljek Aziýa kubogynyň saýlama ýaryşynda garşydaşlary belli boldy. Kuala-Lumpurda (Malaýziýa) geçirilen bijede ýygyndymyz C toparyna düşdi we bu ýerde Mýanmanyň, Bahreýniň we Bangladeşiň milli ýygyndy toparlary bilen duşuşar.
Sekiz topara bölünen saýlama tapgyryna 33 milli ýygyndy gatnaşýar. Duşuşyklar şu ýylyň 23-nji iýunyndan 5-nji iýuly aralygynda sekiz ýurtda: Täjigistan, Kamboja, Indoneziýa, Iordaniýa, Mýanma, Taýland, Özbegistan we Wýetnamda geçiriler.
Saýlama toparlarynyň ýeňijileri 2026-njy ýylyň 1-26-njy marty aralygynda Awstraliýada geçiriljek Aziýa kubogynyň soňky böleginde oýnamaga hukuk gazandylar. Awstraliýanyň, Hytaýyň, Koreýa Respublikasynyň we Ýaponiýanyň ýygyndylary eýýäm bu ýaryşlara gatnaşmaga mümkinçilik aldylar.
Çeşme: HHM
Çeşme: zamanturkmenistan.com.tm