Şanhaýda-da “McLaren” topary ýeňiş gazandy
Şanhaýda-da “McLaren” topary ýeňiş gazandy
Formula 1 boýunça möwsümiň 2-nji ýaryşy Hytaýda geçirilip, Şanhaýyň şäheriniň adybir halkara trassasynda guralan ýaryşda “McLaren” topary goşa üstünlik gazandy. 56 aýlawdan ybarat bolan ýaryşda awstraliýaly Oskar Piastri 1 sagat 30 minut 55,026 sekuntda pellehanadan geçip, karýerasyndaky 3-nji ýeňşini baýram etdi. Piastriniň topardaşy, möwsümiň 1-nji ýaryşynyň ýeňijisi britaniýaly Lando Norris 9,748 sekunt giç pellehana gelip, 2-nji ýeri eýeledi. “Mercedes” toparynyň britan sürüjisi Jorj Rassell ýaryşy 3-nji orunda tamamlady. Soňky 4 ýylyň çempiony, niderland Maks Werstappen (“Red Bull”) 4-nji ýer bilen kanagatlanmaly boldy.
“Ferrari” toparynyň sürüjileriniň alan netijeleri hasaba alynmady. Ýaryşyň düzgünlerini doly berjaý etmedik Şarl Lekler aslynda 5-nji, Lýuwis Hamilton bolsa 6-njy bolup ýaryşy tamamlapdy.
Geçirilen 2 ýaryşdan soň Norris 44 utuk bilen 1-nji orny eýelese, Werstappen 36 utuk bilen 2-nji, 35 utukly Rassell 3-nji ýerde barýar.
Möwsümiň 3-nji “Gran Prisi” 6-njy aprelde Ýaponiýanyň Suzuka şäherinde geçiriler.
Çeşme: zamanturkmenistan.com.tm